ٺٽوي، حافظ ابراهيم: حافظ ابراهيم ٺٽوي، ٺٽي جو مشهور عالم ۽ فاضل ٿي گذريو آهي. هو ٺٽي ۾ پڙهيو ۽ قرآن جو حافظ ٿيو ۽ نالو ڪڍيائين. تحفة الڪرام ۾ سندس باري ۾ هن ريت احوال ملي ٿو ، ”علم جي فيض ڪري ايڏي ترقي ڪيائين جو شهزادي دارا شڪوه ولد بادشاهه شاهجهان جو استاد مقرر ٿيو ۽ زماني ۾ ڏاڍو نالو ڪڍيائين. تاريخ وفات جو مقرر سال معلوم نه آهي مگر شاهجهان جو زمانو يارهين صدي هجري آهي، جنهنڪري هي بزرگ به انهيءَ صديءَ جي بزرگن مان آهي.“